دیپالپور پریمیئر لیگ کا تیسرا ایڈیشن قلندرز ٹیم نے جیت لیا ہے، فائنل میں ٹیم ایگلز کو 10 وکٹ سے شکست ہوئی-دیپالپور کے منی سٹیڈیم میں کھیلے گئے فائنل میں قلندرز نے ٹاس جیت کر پہلے فیلڈنگ کا فیصلہ کیا-ایگلز کی طرف سے اکبر بھولی اور سندھ سے آئے ہوئے مہمان کھلاڑی عزیز کاندرو نے اننگز کا آغاز کیا لیکن دونوں قابل قدر کارکردگی کا مظاہرہ نہ کرسکے-
قلندرز کے اٹکنگ بولر شہباز کالیا اور طاری پنڈی والے نے انتہائی نپی تلی بولنگ کا مظاہرہ کیا-بھولی اور عزیز کے آؤٹ ہونے کے بعد مردان سے تعلق رکھنے والے عمیر پٹھان نے چھکا لگا کر اپنی ٹیم کو امید دلائی لیکن پھر وہ بھی چلتے بنے-ظہیر کالیا اور طاری کے بعد صنم گجرات اور لوکل بولر زمان کھبا نے بھی بہترین بولنگ کی اور مخالف ٹیم کو مقررہ چھ اوورز میں صرف 59 رنز تک ہی محدود رکھا-
قلندرز نے تیمور مرزا اور وسیم لیفٹی کی مدد سے آسان ہدف کا تعاقب شروع کیا تو ایگلز کے بولرز نے وائیڈ بال کی بہتات سے ان کا مشکل کو مزید آسان بنادیا-قلندرز کی جانب سے تیمور نے 40 رنز کی خوبصورت اننگز کھیلی اور آؤٹ نہیں ہوئے اسی طرح وسیم لیفٹی 10 رنز کے ساتھ ناقابل شکست رہے-قلندرز نے ہدف 10 گیندیں پہلے ہی حاصل کرلیا-
